

Հայաստանում արտադրված կաթ և/կամ ձու պարունակող կոմպոզիտային արտադրանքն այսուհետ կարող է արտահանվել Եվրամիության (ԵՄ) երկրներ։ Հայաստանի սննդամթերքի անվտանգության տեսչական մարմնից NEWS.am-ին հայտնում են, որ Եվրոպական հանձնաժողովի վերոհիշյալ որոշումը կայացվել է սննդամթերքի անվտանգության ոլորտի գործառույթների, ինչպես նաև Հայաստանում իրականացված համապատասխան ստուգումների արդյունքների հիման վրա։