News - Հայաստանի խորհրդարանն ընդունեց զինծառայությունից խուսափողների հետ կապված օրինագիծը

Հայաստանի Ազգային ժողովը երեքշաբթի երկրորդ և վերջնական ընթերցմամբ ընդունեց «Զինվորական ծառայության և զինծառայողի կարգավիճակի մասին» օրենքում լրացումներ կատարելու մասին օրինագիծը։ Օրինագծին կողմ է քվեարկել 61 պատգամավոր, դեմ՝ 27 պատգամավոր։ Այսպիսով, պարտադիր զինվորական ծառայությունը չանցած և Հայաստանից մեկնած արական սեռի քաղաքացիները 27 տարեկանից հետո կկարողանան վերադառնալ Հայաստան և երկամյա զինվորական ծառայությունն ավարտելուց հետո կազատվեն քրեական հետապնդումից։ Նաև կարող են ծառայել 15 ամիս և վճարել 2,5 մլն դրամ, կամ ծառայել 7,5 ամիս և վճարել 5 մլն դրամ, կամ ծառայել 1 ամիս և վճարել 10 մլն դրամ։ Բացի այդ, 15 մլն դրամ վճարելու դեպքում հնարավոր կլինի ընդհանրապես չծառայել հայկական բանակում։ Միաժամանակ ժամկետային ծառայության դեպքում 37, իսկ պահեստազորի սպայական ծառայության դեպքում՝ 45 տարին լրացած անձանց նկատմամբ քրեական հետապնդումը կդադարեցվի։ Ավելին, այն արական սեռի այն քաղաքացիները, ովքեր 27 տարեկանից հետո ստացել են նաև այլ երկրի քաղաքացիություն, կազատվեն Հայաստանում զինվորական ծառայությունից, եթե մինչ այդ 12 և ավելի ամիս ծառայել են իրենց բնակության երկրի բանակում։ Հակառակ դեպքում նրանք կարող են Հայաստանում ազատվել զինծառայությունից, եթե վճարեն 2,5 մլն դրամ։