News - Նիկոլ Փաշինյանը՝ Ֆրանսիայի նոր վարչապետին. Ուրախ կլինեմ պաշտոնական այցով հյուրընկալել Ձեզ Հայաստանում
Business Strategy
Նիկոլ Փաշինյանը՝ Ֆրանսիայի նոր վարչապետին. Ուրախ կլինեմ պաշտոնական այցով հյուրընկալել Ձեզ Հայաստանում
Հայաստանի վարչապետ Նիկոլ Փաշինյանը շնորհավորական ուղերձ է հղել Գաբրիել Ատալին՝ Ֆրանսիայի նոր վարչապետի պաշտոնում նշանակվելու կապակցությամբ։ Ուղերձում, մասնավորապես, ասված է. «Անդրադարձ կատարելով հայ-ֆրանսիական դարավոր բարեկամությանը և արտոնյալ հարաբերություններին՝ վստահ եմ, որ Ձեր պաշտոնավարման ընթացքում մեր կառավարությունները նոր էներգիայով կգործեն՝ ավելի խորացնելու Հայաստանի և Ֆրանսիայի միջև բազմաոլորտ համագործակցությունը։ «Անշուշտ, հայ-ֆրանսիական տնտեսական համագործակցության 2021-2026 թվականների ճանապարհային քարտեզը այդ նպատակին ծառայող արդյունավետ գործիք է, և ես լիահույս եմ, որ մենք կօգտագործենք առկա բոլոր հնարավորությունները դրա հաջող իրականացումն ապահովելու համար։ «Ցանկանում եմ ընդգծել, որ Հայաստանը բարձր է գնահատում Ֆրանսիայի կարևոր հետևողական ջանքերը մեր երկրի առջև ծառացած աշխարհաքաղաքական մարտահրավերների հաղթահարման և տարածաշրջանում երկարաժամկետ խաղաղության և կայունության հաստատման գործընթացում։ «Խորապես երախտապարտ եմ Հայաստանին առնչվող հարցերի նկատմամբ ձեր մշտական ուշադրության և հայ ժողովրդի նկատմամբ ջերմ բարեկամական տրամադրվածության համար։ «Ուրախ կլինեմ պաշտոնական այցով հյուրընկալել Ձեզ Հայաստանում, ինչը կարևոր խթան կհանդիսանա ամենաբարձր մակարդակով մեր երկկողմ համագործակցությունն ընդլայնելու առկա հանձնառությանը։
About usyoo
Categories
Tags
