

ՀՀ նախագահ Վահագն Խաչատուրյանը, հիմք ընդունելով վարչապետ Նիկոլ Փաշինյանի առաջարկը, հինգշաբթի հրամանագիր է ստորագրել Չինաստանում Հայաստանի նոր դեսպան նշանակելու մասին ԱԳ նախկին փոխնախարար Վահե Գևորգյանին։ Իսկ նախագահի մեկ այլ հրամանագրով Սերգեյ Մանասարյանը հետ է կանչվել Չինաստանում, Թաիլանդում և Մոնղոլիայում Հայաստանի դեսպանի պաշտոնից։ Վահե Գևորգյանը չորեքշաբթի ազատվել է Հայաստանի արտաքին գործերի նախարարի տեղակալի պաշտոնից, որը զբաղեցնում էր 2021 թվականի սեպտեմբերից։ Իսկ Սերգեյ Մանասարյանն ազատվել էր Հայաստանի փոխարտգործնախարարի պաշտոնից և 2016 թվականի փետրվարին նշանակվել Չինաստանում դեսպան։