News - Ռուսական լրատվամիջոցները մանրամասներ են հայտնում Նոգինսկ քաղաքում հայ տղամարդու սպանության մասին
Business Strategy
Ռուսական լրատվամիջոցները մանրամասներ են հայտնում Նոգինսկ քաղաքում հայ տղամարդու սպանության մասին
Ռուսական լրատվամիջոցները մանրամասներ են հայտնում Նոգինսկ քաղաքում 44-ամյա հայ Կարեն Հայրիյանի սպանության մասին։ Լրատվամիջոցները հրապարակել են կադրեր, որտեղ երեւում է երկուշաբթի գիշերը Նոգինսկ առեւտրի կենտրոնի ավտոկայանատեղիում տեղի ունեցած վիճաբանությունը, որի հետեւանքով Հայրիյանը մահացել է։ Զինված անձը հինգ կրակոց է արձակել նրա ուղղությամբ։ Ըստ ԶԼՄ-ների՝ վերոնշյալ վիճաբանությունը սկսվել է ավտոկայանատեղիին կից սրճարանում։ Սպանության զոհն այնտեղ է եղել քրոջ հետ, իսկ զինված անձը՝ հոր հետ։ Սպանությունից առաջ սպանվածի քույրը իբր սրճարանում վիճաբանել է հաճախորդի հետ։ Նրա եղբայրը պաշտպանում էր քրոջը, իսկ տղամարդը՝ որդուն։ Արդյունքում սրճարանի այս հաճախորդի որդին կրակ է բացել և մահացու վիրավորել կնոջ եղբորը։ Այնուհետև հանցագործները դեպքի վայրից փախել են Porsche Cayenne-ով։ Նրանք հետախուզման մեջ են։ Վիրավոր հային հաջողվել է ինքնուրույն հասնել հիվանդանոց, սակայն բժիշկները չեն կարողացել փրկել նրա կյանքը։ Ռուսաստանի Քննչական կոմիտեն սպանության հետաքննություն է սկսել։ НТВ-ի փոխանցմամբ՝ Հայրիյանի քրոջ վիճակը, ով ենթադրաբար, հարձակման պահին նույնպես մեքենայում է եղել, հայտնի չէ։ Հայտնի է, սակայն, որ հարձակվողները փորձել են մտնել նշված հիվանդանոց՝ ավտոկայանատեղիում տեղի ունեցածն ավարտին հասցնելու համար։ Ըստ որոշ տեղեկությունների՝ հարձակվողները նույնպես հայեր են։
About usyoo
Categories
Tags
