News - Ֆրանսիայում Ադրբեջանի դեսպանը հաստատել է լրտեսության մեջ կասկածվող ֆրանսիացի Մարտին Ռայանի ձերբակալությունը
Business Strategy
Ֆրանսիայում Ադրբեջանի դեսպանը հաստատել է լրտեսության մեջ կասկածվող ֆրանսիացի Մարտին Ռայանի ձերբակալությունը
Ադրբեջանում ձերբակալվել է Ֆրանսիայի քաղաքացի, ով կասկածվում է լրտեսական գործողություններ կատարելու մեջ։ Այս մասին AFP-ին ասել է Ֆրանսիայում Ադրբեջանի դեսպան Լեյլա Աբդուլաեւան, փոխանցում է APA-ն։ «Լրտեսական գործողություններ կատարելու մեջ կասկածվող Ֆրանսիայի քաղաքացի Մարտին Ռայանը ձերբակալվել է 2023 թվականի դեկտեմբերի 4-ին»,- ասել է Ֆրանսիայում Ադրբեջանի ներկայացուցիչը։ Դիվանագետի խոսքով՝ Ադրբեջանի դատական իշխանությունները հրամայել են Ռայանին չորս ամսով կալանավորել։ Ադրբեջանում Ֆրանսիայի դեսպանատունը ծանուցվել է նրան ձերբակալելուն պես, հավելել է դեսպանը։ Մարտին Ռայանի հայրը՝ Ռիչարդը, ասել է, որ ընտանիքը խոսել է նրա հետ։ «Մենք նրա հետ խոսեցինք չորս անգամ, ամեն անգամ երկու րոպե: Նա ասում է, որ իրեն լավ են վերաբերվում և լավ է իր փաստաբանի հետ», - ասաց Ռիչարդ Ռայանը AFP-ին: Ադրբեջանը երկու ֆրանսիացի դիվանագետների հայտարարել է «պերսոնա նոն գրատա», իսկ ի պատասխան՝ Ֆրանսիան նույն քայլին է դիմել երկու ադրբեջանցի դիվանագետների նկատմամբ։
About usyoo
Categories
Tags
