News - Հայ դատի հանձնախմբի անդամ. Երուսաղեմի հայկական թաղամասի «Կովերի այգուց» ծանր տեխնիկա է հանվել.
Business Strategy
Հայ դատի հանձնախմբի անդամ. Երուսաղեմի հայկական թաղամասի «Կովերի այգուց» ծանր տեխնիկա է հանվել.
Ծանր տեխնիկան, որն ավելի վաղ բերվել էր Երուսաղեմի հայկական թաղամասի «Կովերի այգի» տարածք, դուրս է բերվել կիրակի օրը։ Այս մասին երկուշաբթի NEWS.am-ի թղթակցի հետ զրույցում ասաց Հայ Յեղափոխական Դաշնակցություն կուսակցության Երուսաղեմի Հայ դատի հանձնախմբի անդամ Հակոբ Սեւանը։ Սեւանը տեղեկացրեց, որ տարածք են այցելել նաեւ Երուսաղեմի քաղաքապետարանի աշխատակիցները։ Նա հավելել է, որ դեկտեմբերի 28-ին ցուցարարների վրա վերջին հարձակումից հետո միջադեպեր չեն եղել։ «Առայժմ իրավիճակը հանգիստ է, նոր խնդիրներ չեն առաջացել»,- ասաց Սեւանը։ Դեկտեմբերի 28-ին Երուսաղեմի Հին քաղաքի հայկական թաղամասի «Կովերի այգի» տարածքում մի խումբ դիմակավորված անձինք՝ զինված փայտերով, արցունքաբեր գազի նռնակներով և այլ միջոցներով հարձակվել են հայերի վրա։ Երուսաղեմի Հայոց պատրիարք Նուրհան արքեպիսկոպոս Մանուկյանը «Կովերի այգու» տարածքը 99 տարով վարձակալել էր մի ընկերության։ Այս որոշումը, սակայն, բուռն հակազդեցություն առաջացրեց։ Եվ Երուսաղեմի Հայոց պատրիարքարանը երկար բողոքի ակցիաներից հետո որոշեց չեղարկել այս գործարքը։ Սակայն ավելի ուշ վերոնշյալ ընկերության բուլդոզերները սկսել են քանդել վիճելի տարածքի մի մասը։ Երբ հայ ցուցարարները փորձեցին կասեցնել այդ գործողությունները, զինված հրեա վերաբնակիչներ եկան և փորձեցին ցրել ցուցարարներին, բայց ապարդյուն։
About usyoo
Categories
Tags
