News - Հարավային Կորեան ի պատասխան մոտ 400 հրետանային արկ է արձակել Հյուսիսի ուղղությամբ

Ուրբաթ կեսօրին հարավկորեական բանակի ստորաբաժանումները ինքնագնաց հաուբիցների և տանկերի միջոցով կրակային վարժանքներ են անցկացրել Բաենգյոն և Յոնփյոն կղզիներում: Այս մասին հայտնել է Հարավային Կորեայի ազգային պաշտպանության նախարարության ներկայացուցիչը, փոխանցում է Yonhap լրատվական գործակալությունը։ Հարավը մոտ 400 կրակոց հրետանային արկ է արձակել ծովային բուֆերային գոտի, կրկնապատկելով հյուսիսի կողմից արձակված քանակությունը: Հարավային Կորեայի զինվորականները 2018 թվականի համաձայնագրի ստորագրումից հետո առաջին անգամ հրետանային կրակ են արձակել բուֆերային գոտի։ Հարավային Կորեայի բանակը հինգշաբթի ասել է, որ Հարավային Կորեան և Միացյալ Նահանգները համատեղ կրակահերթ վարժանքներ են անցկացրել Հյուսիսային Կորեայի հետ սահմանի մոտ՝ նպատակ ունենալով ուժեղացնել իրենց համատեղ օպերատիվ կարողությունները Հյուսիսային Կորեայի ռազմական սպառնալիքների դեմ: Հյուսիսային Կորեան ուրբաթ նախազգուշացրել է նման սադրանքների դեմ՝ պատրաստվածության ամրապնդման քողի ներքո՝ ասելով, որ իր զինված ուժերը կցուցաբերեն «կոշտ հակազդեցություն աննախադեպ մակարդակով»: