News - Հայաստանի վարչապետը ցավակցում է Իրանի նախագահին

Հայաստանի վարչապետ Նիկոլ Փաշինյանը ցավակցական ուղերձ է հղել Իրանի նախագահ Էբրահիմ Ռաիսիին՝ Քերմանում տեղի ունեցած ողբերգության կապակցությամբ։ «Ծանր սրտով տեղեկացա այսօր Քերմանում տեղի ունեցած ողբերգության մասին, որի արդյունքում անմեղ մարդիկ են զոհվել ու վիրավորվել։ «Ձերդ Գերազանցություն, այս ծանր պահին Հայաստանի Հանրապետության ժողովրդի և անձամբ իմ անունից թույլ տվեք վշտի խոսքեր հղել զոհվածների բոլոր հարազատներին և շուտափույթ ապաքինում մաղթել բոլոր վիրավորներին»,- ասված է ուղերձում։ . Ընդհանուր առմամբ 103 մարդ է զոհվել, ևս 211-ը՝ վիրավորվել չորեքշաբթի Իրանի Քերմանի նահատակների գերեզմանատանը տեղի ունեցած երկու պայթյունների հետևանքով, որտեղ հազարավոր մարդիկ նշում էին Բաղդադում ԱՄՆ ավիահարվածի հետևանքով գեներալ-լեյտենանտ Ղասեմ Սոլեյմանիի սպանության չորրորդ տարելիցը։