News - Երևան թաղամասը, Հայֆիլմ կինոստուդիայի տարածքը կհատկացվի Ակադեմիական քաղաք կառուցելու համար
Business Strategy
Երևան թաղամասը, Հայֆիլմ կինոստուդիայի տարածքը կհատկացվի Ակադեմիական քաղաք կառուցելու համար
Հինգշաբթի կառավարության նիստում ընդունվեց Երևանի 17-րդ թաղամասը, ինչպես նաև «Հայֆիլմ» կինոստուդիայի տարածքը Հայաստանի ակադեմիական քաղաքի կառուցման համար գերակա տիրույթ հռչակելու մասին որոշման նախագիծը։ «Ակադեմիական քաղաքի կարևորությունն ու հրատապությունը պայմանավորված է որակյալ բարձրագույն կրթության և հետազոտությունների համար ժամանակակից միջավայր ստեղծելու անհրաժեշտությամբ՝ հաշվի առնելով այն հանգամանքը, որ կրթությունն ու հետազոտությունը կայուն և առաջանցիկ տնտեսական զարգացման նախապայման են»: ասված է վերոհիշյալ որոշման նախագծի պարզաբանման մեջ։ Նշվում է, որ Ակադեմիական քաղաքի հիմնական վայր ընտրված 17-րդ թաղամասում կան պետությանը և համայնքին պատկանող հողատարածքներ, ինչպես նաև ֆիզիկական և իրավաբանական անձանց սեփականություն: Հիշեցնենք, որ ՀՀ կառավարությունը նախատեսում է բուհերն ու գիտական ինստիտուտները տեղափոխել Ակադեմիական քաղաք և դրանց հիման վրա ստեղծել կլաստերներ։ Գերմանական GMP International Architects and Engineers ընկերությունը կկազմի ակադեմիական քաղաքի կառուցման գլխավոր հատակագիծը։ Իսկ համապատասխան ֆինանսավորումն իրականացվելու է «Գիտական կենտրոնների վերանորոգում» բյուջետային հոդվածի շրջանակներում, որի ընդհանուր գումարը կազմում է 940 մլն դրամ։
About usyoo
Categories
Tags
