News - Իրանի նախագահը չեղարկել է այցը Թուրքիա

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել իր իրանցի պաշտոնակից Էբրահիմ Ռայիսիի հետ, որի ընթացքում ցավակցություն է հայտնել Իրանի Քերման նահանգում տեղի ունեցած ահաբեկչության բազմաթիվ զոհերի համար։ Այս մասին նշված է Թուրքիայի նախագահի աշխատակազմի կապի բաժնի հաղորդագրության մեջ։ Հայտարարության համաձայն՝ Թուրքիայի ղեկավարը դատապարտել է խաղաղ բնակչության դեմ իրականացված ահաբեկչությունը, հաղորդում են թուրքական լրատվամիջոցները։ Թուրքիայի ղեկավարը վստահեցրել է, որ իր երկիրն աջակցում է Իրանին ահաբեկչության դեմ պայքարում։ Նախագահ Էրդողանը կրկնել է Իրանին ուղղված իր կոչը՝ միասին աշխատել ահաբեկչության դեմ պայքարում։ Երկու ղեկավարները պայմանավորվել են հետաձգել Իրանի նախագահի ծրագրված այցը Թուրքիա ավելի ուշ: Ընդհանուր առմամբ 103 մարդ է զոհվել, ևս 211-ը վիրավորվել չորեքշաբթի Քերմանի նահատակների գերեզմանատանը տեղի ունեցած երկու պայթյունների հետևանքով, որտեղ հազարավոր մարդիկ նշում էին Բաղդադում ԱՄՆ ավիահարվածի հետևանքով գեներալ-լեյտենանտ Ղասեմ Սոլեյմանիի սպանության չորրորդ տարելիցը։