News - Իրանի ԱԳ նախարարը հերքել է Ադրբեջանի պնդումները, թե Հայաստանի ատոմակայանը աղտոտում է Արաքս գետը

Իրանի արտաքին գործերի նախարար Հոսեյն Ամիր-Աբդոլլահյանը հերքել է այն պնդումները, թե հարեւան Հայաստանի Մեծամորի ատոմակայանը կարող է ռադիոակտիվ նյութերով աղտոտել սահմանային Արաքս գետը, հայտնում է Tasnim-ը։ Իրանի ԱԳ նախարարը կիրակի օրը մասնակցել է Իրանի խորհրդարանի Ազգային անվտանգության և արտաքին քաղաքականության հանձնաժողովի նիստին։ Պատասխանելով Իրանի հյուսիսարևմտյան Արդաբիլ նահանգի երկու սահմանամերձ շրջանները ներկայացնող պատգամավորի հարցին՝ Ամիր-Աբդոլլահյանը հերքել է Արաքս գետի ռադիոակտիվ աղտոտման վերաբերյալ մտահոգությունները: Նա հայտարարեց, որ Իրանի ատոմային էներգիայի կազմակերպության տեխնիկական զեկույցը և ստուգումը վերացրել է Հայաստանում Մեծամորի ատոմակայանի շահագործման հետևանքով Արաքս գետի աղտոտման հավանականությունը։ Ավելի վաղ ադրբեջանական լրատվամիջոցները պնդում էին, որ Հայաստանի Մեծամորի ատոմակայանը ամեն օր 12-ից 16 հազար խորանարդ մետր ռադիոակտիվ թափոն է լցնում Արաքս գետ։