

Երևանի «Զվարթնոց» միջազգային օդանավակայանի ավիացիոն անվտանգության աշխատակիցներն ուրբաթ օրը օդանավակայանում բերման են ենթարկել Գավառ քաղաքի բնակիչ, 57-ամյա Արզաքանցյանին, հայտնում է shamshyan.com-ը։ Այդ օրը ժամը 07:30-ի սահմաններում Արզաքանցյանը եղել է Երևան-Դուբայ չվերթի ուղևորը, ում ձեռքի պայուսակում հայտնաբերվել է անհայտ տեսակի հրազենի 16 փամփուշտ։ ՀՀ ոստիկանության «Զվարթնոց» օդանավակայանի բաժնում նախապատրաստվել են համապատասխան հաղորդումներ, որոնք, ինչպես նաև Արզաքանցյանը, ներկայացվել են ՀՀ քննչական կոմիտեի Զվարթնոց օդանավակայանի բաժին, որտեղ հարուցվել է քրեական գործ։ Նշենք, որ Տիգրան Արզաքանցյանը «Հայաստանի հզորություն հայրենիք» կուսակցության նախագահն է։