News - Կարմիր Խաչն այցելել է ադրբեջանական գերության մեջ գտնվող հայերին

Դեկտեմբերին Ադրբեջանի մայրաքաղաք Բաքվում Կարմիր խաչի միջազգային կոմիտեի (ԿԽՄԿ) պատվիրակության անձնակազմը կրկին այցելել է բոլոր հայերին, որոնց անունները հաստատվել են կազմակերպությանը Ադրբեջանի իշխանությունների կողմից։ Այս մասին NEWS.am -ին հայտնեց ԿԽՄԿ հայաստանյան գրասենյակի հաղորդակցության և կանխարգելման ծրագրերի ղեկավար Զառա Ամատունին։ Այցելությունները տեղի են ունեցել մեկ առ մեկ ձևաչափով, և հնարավորություն է ստեղծվել կապ հաստատելու հայաստանյան ընտանիքների հետ։ Ամատունին հավելեց, որ այցի ընթացքում իրենց ընտանիքների կողմից հանձնվել են ծանրոցներ։ ԿԽՄԿ-ն ժամանակ առ ժամանակ փոխանցում է հարազատների ծանրոցները, և այդ ընթացակարգը նախատեսված է կազմակերպության գործունեության շրջանակներում և համաձայնեցվում է համապատասխան մարմինների ներկայացուցիչների հետ։