

Ռուսաստանի Սանկտ Պետերբուրգ քաղաքում մեկնարկել է Անկախ Պետությունների Համագործակցության (ԱՊՀ) անդամ երկրների ղեկավարների ոչ պաշտոնական գագաթնաժողովը, որն ավանդաբար հրավիրում է ՌԴ նախագահ Վլադիմիր Պուտինը Ամանորից առաջ, հայտնում է ՏԱՍՍ-ը։ Այս գագաթնաժողովի հյուրընկալողը` Ռուսաստանի նախագահը, իր գործընկերներին հրավիրել է Ադրբեջանից, Հայաստանից, Բելառուսից, Ղազախստանից, Ղրղզստանից, Տաջիկստանից, Թուրքմենստանից և Ուզբեկստանից բանակցությունների սեղանի շուրջ և շրջայց կատարել Սանկտ Պետերբուրգի պալատական համալիրներով։ ԱՊՀ-ի ոչ պաշտոնական գագաթնաժողովը կավարտվի Ստրելնա գյուղի Կոնստանտինովսկի պալատում զրույցով։