News - Փարիզում կայացել են Հայաստան-Ֆրանսիա ռազմաքաղաքական խորհրդակցություններ

ՀՀ ՊՆ-ից NEWS.am -ին հայտնում են, որ հինգշաբթի Փարիզում տեղի են ունեցել հայ-ֆրանսիական ռազմաքաղաքական խորհրդակցություններ։ Հայկական պատվիրակությունը գլխավորում էր ՊՆ պաշտպանական քաղաքականության և միջազգային համագործակցության գլխավոր վարչության պետ Լևոն Այվազյանը։ Ֆրանսիական կողմից խորհրդակցությունները վարել է Ֆրանսիայի զինված ուժերի միջազգային հարաբերությունների և ռազմավարության գծով գլխավոր տնօրեն Ալիս Ռուֆոն։ Խորհրդակցությունների ընթացքում հանգամանալից քննարկվել են միջազգային և տարածաշրջանային անվտանգության հարցեր, ինչպես նաև համագործակցության օրակարգը, ձեռք են բերվել մի շարք պայմանավորվածություններ։