News - Նախարար. Հայաստանի տնտեսությունը աշխարհի ամենաարագ աճող տնտեսությունների թոփ 10-յակում է

Այն դեպքում, երբ 2020 թվականին ՀՀ էկոնոմիկայի նախարարության բյուջեն կազմում էր 28 մլրդ դրամ, 2024 թվականին այդ թիվը սկզբնական շրջանում կկազմի 91 մլրդ դրամ, NEWS.am-ի հետ զրույցում ասաց էկոնոմիկայի նախարար Վահան Քերոբյանը։ «Էկոնոմիկայի նախարարությունն իր վերջին երեք տարիների աշխատանքով ցույց է տվել, որ մենք միշտ կատարում ենք հատկացված բյուջեն։ Վստահ եմ, որ այն ներդրումը, որ անում ենք տնտեսության մեջ, բերում է այն արդյունքին, ինչ տեսնում եք»,- ասաց Քերոբյանը։ «2022-2023 թվականներին Հայաստանի տնտեսությունը աշխարհի ամենաարագ զարգացող տնտեսությունների տասնյակում է, կարծում եմ, որ այս տարի կլինի առաջին հնգյակում։ Սա ցույց է տալիս, որ Հայաստանի տնտեսական քաղաքականությունը կարելի է հաջողված համարել»,- հավելեց էկոնոմիկայի նախարարը։