News - Հայ ձկնաբույծները բողոքի երթ են անցկացնում Երևանում

Հայաստանի ձկնաբույծները ուրբաթ բողոքի ցույց են անում մայրաքաղաք Երևանում։ Նրանք բողոքի ակցիան սկսել են փողոց փակելով և երթով շարժվել դեպի կառավարության գլխավոր շենք։ Նրանք պահանջում են չեղարկել Ազգային ժողովի (ԱԺ) ընդունած ձկնաբուծարանների մասին օրենքը։ Նոյեմբերի 22-ին ԱԺ-ն ընդունեց Ջրային օրենսգրքում փոփոխությունների նախագիծը, ըստ որի՝ ստորգետնյա հորերից ջուր ստացող Հայաստանի ձկնաբուծական տնտեսությունները պետք է օգտագործեն միայն ջրի շրջանառության խնայողության համակարգեր։ Ջրային ռեսուրսների վատնումը նվազեցնելու նպատակով կառավարությունը որոշել է, որ հաջորդ տարվանից ձկնաբույծները կաշխատեն փակ ցիկլով։ Իսկ դա նշանակում է, որ ձկնաբուծարանը սպասարկելուց հետո բնական աղբյուրից վերցված ջուրը հետ չի հոսի դեպի բնություն, այլ կմնա ու նորից կօգտագործվի ֆիլտրերի միջով անցնելուց հետո։ Ձկնաբույծների կարծիքով, սակայն, եթե այս օրենքը կիրառվի, իրենք չեն կարողանա աշխատել, փակվելու են։ Ձկնաբույծները հանդիպել են բնապահպանության նախարար Հակոբ Սիմիդյանի հետ, սակայն այս հարցում համաձայնության չեն եկել։