

Հունաստանը 2023 թվականի ամենահաջողակ տնտեսությունների վարկանիշում զբաղեցրել է առաջին տեղը, որը կազմել է The Economist ամսագիրը։ Հունաստանն այս տիտղոսը ստանում է երկրորդ անգամ անընդմեջ։ Ինչպես նշել է ամսագիրը, Հունաստանի ֆոնդային շուկայի իրական արժեքը աճել է 40 տոկոսով։ Սակայն փորձագետներն ընդգծում են, որ երկիրը դեռ ավելի աղքատ է, քան 2010-ականների սկզբին։ The Economist-ը Հունաստանը գնահատել է հինգ ցուցանիշով՝ գնաճ, զբաղվածություն, ՀՆԱ, աշխատատեղեր և արժեթղթերի շուկա։ Լավագույն հնգյակում են նաև Հարավային Կորեան, ԱՄՆ-ը, Իսրայելը և Լյուքսեմբուրգը։ Սակայն այս վարկանիշը եզրափակում են Մեծ Բրիտանիան, Շվեդիան, Սլովակիան, Ավստրիան, Իսլանդիան և Ֆինլանդիան: