News - Վարչապետ. Ռուսաստանը հատուկ նշանակություն է տալիս ԱՊՀ-ում համագործակցությանը
Business Strategy
Վարչապետ. Ռուսաստանը հատուկ նշանակություն է տալիս ԱՊՀ-ում համագործակցությանը
Ռուսաստանը հատուկ նշանակություն է տալիս ԱՊՀ-ում համագործակցությանը, հայտարարել է ՌԴ վարչապետ Միխայիլ Միշուստինը ԱՊՀ երկրների կառավարությունների ղեկավարների խորհրդի երկուշաբթի օրը կայացած նիստում, հայտնում է RIA Novosti-ն։ Համապատասխան կարևոր հարցերից է հաջորդ հունիսին ստորագրվելիք ծառայությունների ազատ առևտրի մասին համաձայնագիրը։ Միշուստինի խոսքով, այս փաստաթուղթը հիմք կստեղծի ԱՊՀ անդամ երկրների հարաբերությունները նոր մակարդակի բարձրացնելու համար։ Ռուսաստանի վարչապետը հիշեցրել է, որ հաջորդ տարի ԱՊՀ-ի նախագահությունը կանցնի Ռուսաստանին։ Միշուստինն ընդգծել է, որ ԱՊՀ երկրներն ունեն զգալի արդյունաբերական, էներգետիկ և գյուղատնտեսական ներուժ, ինչպես նաև հարուստ բնական պաշարներ և տաղանդավոր կադրեր։ «Ջանքերի միավորումը, դինամիկ արդյունավետ գործունեությունը հավելյալ հնարավորություններ կբացի սերտ միջտարածաշրջանային համագործակցության համար բոլոր մասնակիցների զարգացման համար: Դա Ռուսաստանի [առաջիկա] նախագահության առաջնահերթությունն է»,- հավելել է ՌԴ վարչապետը։ Նշենք, որ Հայաստանը նույնպես անդամ է Անկախ Պետությունների Համագործակցությանը։
About usyoo
Categories
Tags
