News - Հայաստանի նախագահը Ուրուգվայի գործընկերոջը ներկայացրել է Հարավային Կովկասի իրողությունները

Ուրուգվայի նախագահ Լուիս Լակալ Պուն ընդունել է պաշտոնական այցով Ուրուգվայում գտնվող Հայաստանի նախագահ Վահագն Խաչատուրյանին։ Իսկ դիմավորման պաշտոնական արարողությունից հետո երկու նախագահները հանդիպել են։ Ուրուգվայի նախագահն ընդգծել է, որ ուշադիր հետևում է հարավկովկասյան տարածաշրջանում տեղի ունեցող իրադարձություններին։ Այդ կապակցությամբ նախագահ Վահագն Խաչատուրյանն իր ուրուգվայցի գործընկերոջը տեղեկացրել է վերոնշյալ տարածաշրջանում տիրող ընդհանուր իրողությունների և ներկա իրավիճակի մասին, անդրադարձել տարածաշրջանում անվտանգության մարտահրավերների հաղթահարման ուղղությամբ Հայաստանի ձեռնարկվող միջոցառումներին և «Խաղաղության խաչմերուկ» նախագծին։ Նաև բարձր է գնահատվել միջազգային հարթակներում Հայաստանի և Ուրուգվայի միջև արդյունավետ համագործակցությունը և ընդգծվել նրանց համագործակցության շարունակական զարգացմանը նպաստելու կարևորությունը։ Այս կապակցությամբ Ուրուգվայի նախագահն ընդգծել է, որ իր երկրի բոլոր քաղաքական ուժերը միջազգային հարթակներում Հայաստանին առնչվող բոլոր հարցերի շուրջ միասնական դիրքորոշում ունեն, ինչը վկայում է նաև երկու երկրների միջև սերտ բարեկամական կապերի առկայության մասին։