News - Պապուաշվիլի. Վրաստանը հանդես է գալիս Ադրբեջանի և Հայաստանի միջև որքան հնարավոր է շուտ խաղաղության պայմանագրի ստորագրման օգտին

Վրաստանը հանդես է գալիս Ադրբեջանի և Հայաստանի միջև որքան հնարավոր է շուտ խաղաղության պայմանագրի ստորագրման օգտին։ Այս մասին դեկտեմբերի 11-ին Բաքվում հայտարարել է Վրաստանի խորհրդարանի նախագահ Շալվա Պապուաշվիլին՝ Ադրբեջանի Միլլի Մեջլիսի նախագահ Սահիբա Գաֆարովայի հետ հանդիպմանը, հայտնում է ԱՊԱ-ն։ Աղբյուրի համաձայն՝ զրույցի ընթացքում խորհրդարանների երկկողմ համագործակցության հետ մեկտեղ նշվել է Ադրբեջանի, Թուրքիայի և Վրաստանի խորհրդարանների արտաքին հարաբերությունների հանձնաժողովների համագործակցության հաջող եռակողմ ձևաչափը։ Սահիբա Գաֆարովան ընդգծել է, որ այսօր Ադրբեջանի և Հայաստանի միջև խաղաղության համաձայնագրի ստորագրման համար որևէ խոչընդոտ չկա. «Ադրբեջանը պատրաստ է խաղաղության, և մենք հավատում ենք, որ շուտով խաղաղության պայմանագիր կստորագրվի»։ Վրաստանի խորհրդարանի նախագահը պատմական է անվանել 2024 թվականի փետրվարին Ադրբեջանում կայանալիք նախագահական ընտրությունները և նշել, որ այդ ընտրությունները մեծ նշանակություն ունեն նաև Վրաստանի համար։