News - Հայաստանի և Լիտվայի արտգործնախարարները քննարկել են տարածաշրջանային անվտանգությունն ու կայունությունը

Հայաստանի արտգործնախարար Արարատ Միրզոյանը երկուշաբթի օրը Բրյուսելում հանդիպել է Լիտվայի իր գործընկեր Գաբրիելիուս Լանդսբերգիսի հետ։ Անդրադարձ է կատարվել հայ-լիտվական երկկողմ օրակարգին, ինչպես նաև Հայաստան-ԵՄ գործընկերության առանցքային հարցերին։ Երկուստեք ընդգծվել է ԵՄ հարթակում սերտ փոխգործակցության պատրաստակամությունը և Հայաստանի ավելի սերտ մոտեցումը եվրաինտեգրման այս կազմակերպությանը։ Նույն օրը տեղի ունեցած ԵՄ արտաքին հարաբերությունների խորհրդի նիստի քննարկման շարունակությունում Հայաստանի և Լիտվայի արտգործնախարարները մտքեր են փոխանակել նաև տարածաշրջանային անվտանգության և կայունության վերաբերյալ։ ԱԳ նախարար Միրզոյանը կարևորել է միջազգային գործընկերների կողմից խաղաղության օրակարգի իրականացմանն ուղղված Հայաստանի ջանքերին ցուցաբերվող ամուր աջակցությունը։