News - Ռուսաստանի և Եգիպտոսի նախագահները քննարկել են իրավիճակը Գազայի հատվածում

Ռուսաստանի նախագահ Վլադիմիր Պուտինը հեռախոսազրույց է ունեցել Եգիպտոսի նախագահ Աբդել Ֆաթահ աս-Սիսիի հետ։ Նրանք քննարկել են իրավիճակը Գազայի հատվածում և պայմանավորվել անկլավում հրադադարի հաստատման շուրջ։ Այս մասին Facebook-ում հայտնել է Եգիպտոսի նախագահի պաշտոնական ներկայացուցիչ Ահմեդ Ֆահմին։ Նրա խոսքով, զրույցի ընթացքում «քննարկվել է իրավիճակը տարածաշրջանում, հատկապես Գազայի հատվածում, լարված քաղաքական ու հումանիտար իրավիճակի ֆոնին»։ Կողմերը քննարկել են նաև Եգիպտոսի ջանքերը՝ անկլավին մարդասիրական օգնություն հասցնելու ուղղությամբ։ Պուտինն ու Աս-Սիսին պայմանավորվել են «շարունակել լրջորեն հետամուտ լինել հրադադարի պահպանմանը, և որ միջազգային հանրությունը պետք է պատասխանատվություն ստանձնի այդ նպատակին հասնելու համար», - մանրամասնել է Ֆահմին, հաղորդում է «Կոմերսանտը»: