News - ԱՄՆ-ը ողջունում է Հայաստանի և Ադրբեջանի ղեկավարների համատեղ հայտարարությունը

Միացյալ Նահանգների Պետդեպարտամենտը մամուլի հաղորդագրություն է տարածել՝ ողջունելով Հայաստանի վարչապետի և Ադրբեջանի նախագահի աշխատակազմի համատեղ հայտարարությունը, ըստ որի՝ Ադրբեջանը պետք է ազատի 32 հայ զինծառայողի, իսկ Հայաստանը՝ 2 ադրբեջանցի զինծառայողի։ «Միացյալ Նահանգները ողջունում է Հայաստանի և Ադրբեջանի հայտարարությունը երկու ադրբեջանցի և երեսուներկու հայ կալանավորների ազատ արձակման մասին։ Այս հանձնառությունը վստահության ամրապնդման կարևոր միջոց է, քանի որ կողմերը աշխատում են խաղաղության համաձայնագրի ավարտի և հարաբերությունների կարգավորման ուղղությամբ: Մենք ողջունում ենք Ադրբեջանի նախագահ Ալիևին և Հայաստանի վարչապետ Փաշինյանին Հարավային Կովկասի ժողովրդի համար ավելի խաղաղ և բարգավաճ ապագայի հիմքեր ստեղծելու համատեղ ջանքերի համար։ Միացյալ Նահանգները կշարունակի խստորեն աջակցել տեւական և արժանապատիվ խաղաղության հասնելու ջանքերին»,- ասված է ԱՄՆ Պետդեպարտամենտի տարածած մամուլի հայտարարության մեջ։ Հայաստանի վարչապետի աշխատակազմի և Ադրբեջանի նախագահի վարչակազմի համատեղ հայտարարությունը հրապարակվել է հինգշաբթի երեկոյան։ Իսկ ավելի ուշ ադրբեջանական լրատվամիջոցները հրապարակեցին նաև հայ ձերբակալվածների անունները։