News - Հայաստանի բարձր տեխնոլոգիաների նախարարը, Արդյունաբերության արաբական կազմակերպության նախագահը քննարկել են փոխադարձ հետաքրքրություն ներկայացնող թեմաներ

Հայաստանի բարձր տեխնոլոգիական արդյունաբերության նախարար Ռոբերտ Խաչատրյանը Կահիրեում հանդիպել է Արդյունաբերության արաբական կազմակերպության տնօրենների խորհրդի նախագահ Մոխթար Աբդել Լատիֆի հետ։ Նախարարությունից հայտնում են, որ Ռոբերտ Խաչատրյանը ներկայացրել է Հայաստանի բարձր տեխնոլոգիաների ոլորտի զարգացման ռազմավարությունը, Հայաստանի բարձր տեխնոլոգիական արդյունաբերության նախարարության կողմից իրականացվող ծրագրերն ու նախաձեռնությունները՝ ուղղված ոլորտի ընկերությունների կարողությունների զարգացմանն ու ապրանքների առևտրայնացմանը։ NEWS.am. Մոխթար Աբդել Լաթիֆն իր հերթին ներկայացրել է Արդյունաբերության արաբական կազմակերպության տեսլականը, որը տեխնոլոգիաների տեղայնացումն է և տարբեր ճյուղերում տեղական արտադրության հարաբերակցության ավելացումը։ Հանդիպման ընթացքում քննարկվել են երկկողմ հետաքրքրություն ներկայացնող մի շարք թեմաներ և դրանց իրականացման հնարավորությունները։ Կողմերը հայտնել են երկու երկրների խոշոր ընկերությունների համագործակցության համար անհրաժեշտ պայմաններ ստեղծելու փոխադարձ պատրաստակամությունը, ընդգծել ներդրումային հնարավորությունների ավելացման անհրաժեշտությունը։