News - Մնացական Սաֆարյան. Հայաստանի համար առաջնահերթություն է Հնդկաստանի հետ հարաբերությունների խորացումը
Business Strategy
Մնացական Սաֆարյան. Հայաստանի համար առաջնահերթություն է Հնդկաստանի հետ հարաբերությունների խորացումը
Հայաստանը վաղ ժամանակներից սերտ մշակութային կապեր է ունեցել Հնդկաստանի հետ։ 30 տարիների ընթացքում այդ հարաբերությունները հետեւողականորեն զարգացել են. եւ երեք տարիների ընթացքում նկատվել է աճի լուրջ միտում հատկապես քաղաքական երկխոսության առումով։ Այս մասին Երևանում անցկացվող «Տարածաշրջանային նոր իրողություններ և «խաղաղության խաչմերուկ» թեմայով համաժողովում ասաց Հայաստանի արտաքին գործերի փոխնախարար Մնացական Սաֆարյանը։ Սաֆարյանը նշեց, որ Հնդկաստանի հետ հարաբերությունների զարգացումն ու խորացումը Հայաստանի արտաքին քաղաքական առաջնահերթություններից են։ «Մենք բարձր ենք գնահատում այն դիրքորոշումը, որ Հնդկաստանը արտահայտում է միջազգային հարթակներում, հատկապես ՄԱԿ-ի Անվտանգության խորհրդի արտահերթ նստաշրջաններում, Հայաստանին առնչվող հարցերի շուրջ»,- հավելեց Սաֆարյանը։ Նա ընդգծել է, որ Հայաստանն աջակցում է ՄԱԿ-ի Անվտանգության խորհրդի մշտական անդամ դառնալու Հնդկաստանի ձգտումին։
About usyoo
Categories
Tags
