News - ANIF. Հայաստանի ազգային Fly Arna ավիաընկերությունը շարունակում է իր գործունեությունը

Որպես Հայաստանի ազգային ավիաընկերության Fly Arna-ի բաժնետեր՝ Հայկական ազգային շահերի հիմնադրամը (ANIF) տեղեկացնում է, որ ընկերությունը շարունակում է իր գործունեությունը։ Այս մասին NEWS.am -ը տեղեկանում է ANIF հասարակայնության հետ կապերի բաժնից։ «Fly Arna-ն իր գոյության 1,5 տարվա ընթացքում ապացուցել է, որ որակը, ինչպես ծառայությունների, այնպես էլ գործառնական այլ չափանիշների առումով, կենտրոնական է ընկերության գործունեության համար: Այսօր ընկերությունն ապահովում է ավելի քան 125 աշխատատեղ, այդ թվում՝ միջազգային լավագույն չափանիշներին համապատասխան պատրաստված բարձրակարգ անձնակազմ։ Վստահ ենք, որ ընկերությունը կշարունակի մնալ Հայաստանում ժամանակակից ավիացիայի բոլոր չափանիշների ներդրման ջատագովն ու առաջամարտիկը։ ANIF-ը հուսով է, որ մոտ ապագայում կտեսնի բոլոր փոփոխությունները, որոնք անհրաժեշտ են արդյունաբերության այս հանգրվանին հասնելու համար»,- ասվում է հայտարարության մեջ: