News - Հայաստանը համատեղ տաղավարով ներկայացված է Իրանում կայանալիք Eurasian Expo 2023 ցուցահանդեսին (ֆոտո)

Հայաստանի էկոնոմիկայի փոխնախարար Նարեկ Տերյանը երկուշաբթի Իրանի մայրաքաղաք Թեհրանում մասնակցել է Eurasian Expo 2023 ցուցահանդեսի բացման արարողությանը։ Հայաստանի էկոնոմիկայի նախարարությունից NEWS.am -ին հայտնում են, որ այս ցուցահանդեսում Հայաստանը ներկայացված է միասնական տաղավարով։ Միջոցառմանը մասնակցում են ինչպես եվրասիական, այնպես էլ արաբական ընկերություններ։ Ցուցահանդեսի հիմնական ոլորտներն են քիմիական արդյունաբերությունը, մեքենաշինությունը, գյուղատնտեսությունը և սննդամթերքը, զբոսաշրջությունը, դեղագործությունը, բանկային գործունեությունը, ապահովագրությունը, տեխնոլոգիաները և բեռնափոխադրումները։ Տերյանն այցելել է նաև այս ցուցահանդեսի տաղավարները և զրուցել մի շարք ընկերությունների ղեկավարների հետ։