News - Հայաստանի նախագահը մեկնել է Դուբայ՝ մասնակցելու Կլիմայի փոփոխության հարցերով ՄԱԿ-ի համաժողովին
Business Strategy
Հայաստանի նախագահը մեկնել է Դուբայ՝ մասնակցելու Կլիմայի փոփոխության հարցերով ՄԱԿ-ի համաժողովին
Հայկական պատվիրակությունը նախագահ Վահագն Խաչատուրյանի գլխավորությամբ մեկնել է Դուբայ, ԱՄԷ՝ մասնակցելու ՄԱԿ-ի Կլիմայի փոփոխության շրջանակային կոնվենցիայի (UNFCCC) Կողմերի համաժողովի (COP) 28-րդ հանդիպմանը՝ COP28-ին: Միջոցառմանը նախատեսվում է նախագահ Խաչատուրյանի ելույթը և երկկողմ հանդիպումները, հաղորդում է «Արմենպրես»-ը: Նախագահի պատվիրակության կազմում է շրջակա միջավայրի նախարար Հակոբ Սիմիդյանը։ COP-ները տեղի են ունենում ամեն տարի և հանդիսանում են կլիմայի փոփոխության վերաբերյալ որոշումների կայացման միակ բազմակողմ ֆորումն աշխարհում՝ աշխարհի բոլոր երկրների գրեթե ամբողջական անդամակցությամբ: COP-ն այն վայրն է, որտեղ աշխարհը համախմբվում է՝ համաձայնեցնելու կլիմայական ճգնաժամը լուծելու ուղիները, ինչպիսիք են՝ սահմանափակել գլոբալ ջերմաստիճանի բարձրացումը մինչև 1,5 աստիճան Ցելսիուս, օգնել խոցելի համայնքներին հարմարվել կլիմայի փոփոխության հետևանքներին և հասնել զուտ զրոյական արտանետումների մինչև 2050 թվականը:
About usyoo
Categories
Tags
