News - Բեռնափոխադրող ընկերության տնօրեն. Երևանը 2-րդ ամենամեծ բեռնափոխադրող հանգույցն է Հարավային Կովկասում.

Հարավային Կովկասի ամենամեծ բեռնատար-կոնտեյներային հանգույցը Վրաստանի Փոթին է, իսկ երկրորդ տեղում Հայաստանի մայրաքաղաք Երևանն է։ Այս մասին NEWS.am-ի թղթակցի հետ զրույցում ասաց Հայաստանի խոշոր բեռնափոխադրող «Ապավեն» ընկերության գործադիր տնօրեն Գագիկ Աղաջանյանը։ Նրա խոսքով, Հայաստանի տրանսպորտային համակարգը լիովին պատրաստ է օգնել տնտեսվարող սուբյեկտներին մուտք գործել այլընտրանքային սպառման շուկաներ։ Նա համոզված է, որ Հայաստանը շատ լրջորեն ինտեգրված է միջազգային տրանսպորտային համակարգին։ «Գլոբալ տասը խոշոր ընկերություններից յոթը ներկայացված են Հայաստանում, ի դեպ, այդ տասնյակում ռուսական ընկերությունները ներառված չեն, այդ պայմանները ստեղծված են, և այդ փոփոխությունները Ռուսաստանի հետ կապ չունեն»,- հավելեց Աղաջանյանը։ Նրա գնահատմամբ՝ այս ամենը հնարավորություն է ստեղծում Հայաստանից բեռներ տեղափոխել աշխարհի տարբեր անկյուններ։ «Հայաստանը շրջափակման մեջ թողնելու մեր հարեւանների (Ադրբեջանի և Թուրքիայի) ձգտումը չհաջողվեց: Տրանսպորտային հասանելիության տեսակետից կան այլընտրանքային հնարավորություններ, խնդիրը միայն ապրանքների քանակն ու որակն է»,- ասաց Գագիկ Աղաջանյանը: .