News - Հայաստանի օրենսդիր մարմնի ղեկավար. Ռուսաստանի հետ մեր քաղաքական հարաբերությունները փոքր-ինչ լարված են

ՀՀ Ազգային ժողովի նախագահ Ալեն Սիմոնյանը ՀՀ վարչապետի աշխատակազմի ղեկավար Արայիկ Հարությունյանի վերջին հրապարակման մեջ քաղաքական ակնարկ չի տեսնում։ Դիտարկմանը, որ Ռուսաստանը Հայաստանի համար տնտեսական խնդիրներ է ստեղծում վրաց-ռուսական սահմանի Վերին Լարսի անցակետում, և արդեն նշվում է, որ դա քաղաքական պատճառներ ունի, Սիմոնյանն ասաց. «Իմ ունեցած տեղեկություններով տեղի է ունեցել տեղաշարժ. այդ սահմանային կետում ծառայություն իրականացնող մարմինները, նման իրավիճակ է ստեղծվել նաև Ադրբեջան-Ռուսաստան կամ Ադրբեջան-Վրաստան սահմանին»։ Սիմոնյանը հորդորեց չշտապել ենթադրություններ անել. «Չեմ բացառում, կրկնում եմ՝ չեմ բացառում, որ քաղաքական բան լինի, բայց խնդրում եմ չշտապել ու եզրակացություններ չանել»,- ասաց նա։ Իսկ լրագրողի այն հարցին, թե ինչ նկատի ունի ասելով, որ չի բացառում քաղաքական պատճառը, Սիմոնյանն արձագանքեց. «Չե՞ք նկատել, որ քաղաքական հարաբերությունները [հիմա] լարված են. կարծեք, դուք նկատել եք: Ես դա նկատի ունեմ»: ՀՀ վարչապետի աշխատակազմի ղեկավար Արայիկ Հարությունյանն այսօր ավելի վաղ Facebook-ում գրել էր. «Լարսի անցակետի փակումը մեզ վրա չի ազդի, եթե Հայաստանի բիզնեսը նոր շուկաներ գտնի արտերկրում ապրող մեր հայրենակիցների տոնական և ոչ տոնական սեղաններին։