News - Կարմիր Խաչի ներկայացուցիչներն այցելում են հայ գերիներին, ձերբակալված ադրբեջանցիներին

Նոյեմբերին Կարմիր Խաչի միջազգային կոմիտեի (ԿԽՄԿ) ներկայացուցիչները կրկին այցելել են Ադրբեջանի իշխանությունների կողմից ծանուցված բոլոր հայ ձերբակալվածներին, ինչպես նաև Հայաստանում կալանավորված ադրբեջանցիներին։ Այս մասին APA-ին ասել է ԿԽՄԿ Ադրբեջանի գրասենյակի հասարակայնության հետ կապերի բաժնի ղեկավար Իլահա Հուսեյնովան։ Ըստ հաղորդագրության՝ ձերբակալվածներին հանդիպել են առանձնապես և հնարավորություն են տվել փոխանակվել ընտանեկան նորություններով։ «Իր մանդատի համաձայն՝ նման այցելությունների ընթացքում ԿԽՄԿ-ն գնահատում է կալանավորների նկատմամբ վերաբերմունքը և պահման պայմանները և օգնում է ապահովել, որ կալանավորված անձինք կարողանան վերականգնել կամ պահպանել կապն իրենց ընտանիքների հետ։ ԿԽՄԿ-ի ընթացակարգերի համաձայն՝ նրա այցելությունների հետ կապված դիտարկումներն ու առաջարկությունները փոխանցվում են միայն կալանավորող մարմիններին»,- ավելացվում է զեկույցում։