News - Իրանցի դիվանագետ Հայաստանում. Մենք լուրջ ջանքեր ենք գործադրում տարածաշրջանային խնդիրների խաղաղ լուծման համար

Մենք կարծում ենք, որ տարածաշրջանում խնդիրները պետք է լուծվեն խաղաղ ճանապարհով, և այդ ուղղությամբ մենք լուրջ ջանքեր ենք գործադրում։ Այս մասին երեքշաբթի օրը Հայաստանում կայացած համաժողովի ժամանակ ասաց Հայաստանում Իրանի դեսպանատան մշակութային կենտրոնի խորհրդական Մոհամմադ Ասադի-Մովահեդը։ Նրա խոսքով, Իրանի կողմից իրականացվող բարիդրացիության քաղաքականությունը Հարավային Կովկասի զարգացման կարեւոր բաղադրիչն է։ Իրանցի դիվանագետը նշել է այս ուղղությամբ տարվող աշխատանքների կարևորությունը՝ այս զգայուն տարածաշրջանում լարվածության նոր աղբյուրները կանխելու համար։ Նա հիշեցրեց, որ իրանա-հայկական հարաբերություններն ունեն 4000 տարվա պատմություն, և նշեց երկու երկրների ու ժողովուրդների քաղաքակրթական, պատմական, աշխարհագրական մերձությունը։ Ասադի-Մովահեդը նաև կարևոր է համարել այս հիմքի օգտագործումը Հայաստանի և Իրանի միջև հարաբերությունները բոլոր ոլորտներում խորացնելու համար։