News - Իրակլի Ղարիբաշվիլին Հայաստանի վարչապետի աշխատակազմի ղեկավարին. Վրաստանը պատրաստ է աջակցել տարածաշրջանում խաղաղ գործընթացին

Վրաստան կատարած աշխատանքային այցի շրջանակներում ՀՀ վարչապետի աշխատակազմի ղեկավար Արայիկ Հարությունյանը հանդիպել է Վրաստանի վարչապետ Իրակլի Ղարիբաշվիլիի հետ։ Հանդիպմանը քննարկվել է հայ-վրացական երկկողմ համագործակցությունը։ Նշվել է, որ ռազմավարական հարցերի շուրջ բարձր մակարդակով երկխոսությունը օգուտ կբերի ոչ միայն Վրաստանին և Հայաստանին, այլև ողջ տարածաշրջանին։ Երկուստեք ընդգծվել է տարածաշրջանում խաղաղության և կայունության ապահովումը։ Իրակլի Ղարիբաշվիլին նաև ընդգծել է, որ Վրաստանը պատրաստ է աջակցել տարածաշրջանում խաղաղությանն ու կայունությանը միտված գործընթացներին։ Հանդիպման ընթացքում մտքեր են փոխանակվել նաև երկու երկրների միջև բարեկամական հարաբերություններին առնչվող մի շարք այլ հարցերի շուրջ։