News - Վրաց-ռուսական սահմանի Վերին Լարսի անցակետից հետ են ուղարկվել հայկական որոշ բեռնատարներ
Business Strategy
Վրաց-ռուսական սահմանի Վերին Լարսի անցակետից հետ են ուղարկվել հայկական որոշ բեռնատարներ
Ներկայումս խնդիր կա, որ հայկական բեռնատարների մի մասը հետ է ուղարկվել, մի մասն էլ սպասում է փորձաքննության արդյունքներին։ Այս մասին NEWS.am-ի թղթակցի հետ զրույցում ասաց վրաց-ռուսական սահմանի Վերին Լարսի անցակետում ՌԴ-ում ՀՀ դեսպանության մաքսային կցորդ Վահան Հակոբյանը։ Ավելի վաղ լրատվամիջոցները հայտնել էին, որ հայկական բեռնատարները խցանման մեջ են հայտնվել Վերին Լարսի անցակետում։ Հայ բեռնատարները հայտնել են, որ անցակետում ռուս մաքսավորներն իրենց պատճառաբանել են տարբեր պատճառներ՝ եղանակային պայմաններից մինչև փաստաթղթերի հետ կապված խնդիրներ։ Բեռնատարները, սակայն, կարծում են, որ բուն պատճառը հայ-ռուսական հարաբերություններում առկա լարվածությունն է։ Վահան Հակոբյանի խոսքով՝ Ռուսաստանի բուսասանիտարական տեսչական գործակալությունը «Ռոսսելխոզնադզոր»-ը Վերին Լարսի անցակետում իրականացնում է ՌԴ մուտք գործող բեռնատարների ուժեղացված ստուգում։ «Ռոսսելխոզնադզորը» հայտնել է, որ ուժեղացված ստուգում է իրականացվում ոչ միայն Վերին Լարսի անցակետում, այլ նաև այլ անցակետերում, ուժեղացվել է ոչ միայն հայկական, այլ նաև բուսասանիտարական ստուգման ենթակա այլ բեռնատարների ստուգումները։ »,- ասաց Հակոբյանը։ «Ես՝ ՊԵԿ-ի, Հայաստանի էկոնոմիկայի նախարարության, Հայաստանի սննդամթերքի տեսչական մարմնի աշխատակիցներս, ակտիվորեն աշխատում ենք մեր գործընկերների հետ՝ խնդիրը արագ լուծելու համար»,- հավելեց Վահան Հակոբյանը։
About usyoo
Categories
Tags
