News - Վարչապետ Նիկոլ Փաշինյանն ընդունել է Լիտվա-Հայաստան միջխորհրդարանական բարեկամության խմբի ղեկավարի գլխավորած պատվիրակությանը.
Business Strategy
Վարչապետ Նիկոլ Փաշինյանն ընդունել է Լիտվա-Հայաստան միջխորհրդարանական բարեկամության խմբի ղեկավարի գլխավորած պատվիրակությանը.
Վարչապետ Նիկոլ Փաշինյանն ընդունել է Լիտվայի խորհրդարանում Լիտվա-Հայաստան բարեկամության խմբի ղեկավար Ռայմունդաս Լոպատայի գլխավորած պատվիրակությանը։ Վարչապետը ողջունել է պատվիրակության այցը Հայաստան՝ ընդգծելով հայ-լիտվական հարաբերությունների դինամիկ բնույթը։ Փաշինյանի խոսքով, վերջին շրջանում երկու երկրների միջև ակտիվորեն զարգանում է երկկողմ համագործակցությունը, որին նպաստում են նաև բարձր մակարդակի փոխայցելությունները։ Բացի այդ, վարչապետն ընդգծել է միջխորհրդարանական համագործակցությունը, այդ թվում՝ միջազգային հարթակներում։ Ռայմունդաս Լոպատան իր հերթին նշել է հայ գործընկերների հետ սերտ համագործակցության փաստը և վստահություն հայտնել, որ երկկողմ հարաբերությունները կշարունակեն հետևողականորեն զարգանալ և ամրապնդվել։ Զրուցակիցները մտքեր են փոխանակել նաև Հայաստանի տարածաշրջանում տեղի ունեցող գործընթացների շուրջ։ Նրանք քննարկել են Լեռնային Ղարաբաղից բռնի տեղահանված ավելի քան 100.000 հայերի մարդասիրական խնդիրները և Հայաստանի կառավարության կողմից ձեռնարկվող միջոցները այդ խնդիրների լուծման ուղղությամբ։ Անդրադարձ է եղել ՀՀ կառավարության առաջարկած «Խաղաղության խաչմերուկ» նախագծին և դրա նպատակներին։
About usyoo
Categories
Tags
