News - Նախագահը՝ ՅՈՒՆԻՍԵՖ-ի հայաստանյան ներկայացուցչին. Մենք միշտ զգացել ենք ձեր ներկայությունը մեր երկրում
Business Strategy
Նախագահը՝ ՅՈՒՆԻՍԵՖ-ի հայաստանյան ներկայացուցչին. Մենք միշտ զգացել ենք ձեր ներկայությունը մեր երկրում
Նախագահ Վահագն Խաչատուրյանը երկուշաբթի ընդունել է ՅՈՒՆԻՍԵՖ-ի հայաստանյան գրասենյակի ներկայացուցիչ Քրիստին Վեյգանդին։ Այս մասին հայտնում են նախագահի աշխատակազմից։ Ողջունելով հյուրին՝ նախագահը, մասնավորապես, նշել է. «1994 թվականից, երբ Հայաստանում բացվեց ՅՈՒՆԻՍԵՖ-ի գրասենյակը, մենք միշտ զգացել ենք ձեր ներկայությունը մեր երկրում երեխաների պաշտպանության, կրթության, առողջապահության և բազմաթիվ այլ ոլորտներում։ Մենք բարձր ենք գնահատում կազմակերպության կատարած մարդասիրական մեծ աշխատանքը և այն ծրագրերը, որոնք իրականացվում են հանրապետության տարբեր պետական մարմինների հետ համագործակցությամբ»։ Շնորհակալություն հայտնելով ընդունելության համար՝ Վեյգանդը նշեց, որ շուրջ երեք տասնամյակ ՅՈՒՆԻՍԵՖ-ը բազմաթիվ ծրագրեր է իրականացրել Հայաստանում, և որ դրանք կշարունակվեն։ Հանդիպման ընթացքում քննարկվել են Հայաստանի պետական գերատեսչությունների և ՅՈՒՆԻՍԵՖ-ի միջև կրթության, առողջապահության և մի շարք այլ ոլորտներում համագործակցության հետագա խթանման հեռանկարները։ Զրուցակիցները մտքեր են փոխանակել նաև Լեռնային Ղարաբաղից Հայաստան բռնի տեղահանված հայ երեխաներին բազմակողմ սոցիալ-հոգեբանական աջակցություն ցուցաբերելու հրատապ անհրաժեշտության շուրջ։ Այս համատեքստում Նախագահ Խաչատուրյանն իր երախտագիտությունն է հայտնել ՅՈՒՆԻՍԵՖ-ի կողմից իրականացված համապատասխան մարդասիրական աշխատանքի համար և նշել, որ վերջինս առաջին միջազգային կազմակերպություններից էր, որն արձագանքեց այս հումանիտար ճգնաժամին և օգնեց վերոհիշյալ երեխաների հիմնախնդիրներին լուծումներ գտնելու առանցքային ոլորտներում։
About usyoo
Categories
Tags
