News - Ադրբեջանի և Թուրքիայի պաշտպանության նախարարները քննարկել են Հարավային Կովկասում ռազմական և քաղաքական գործընթացները

Ադրբեջանի պաշտպանության նախարար Զաքիր Հասանովը երկուշաբթի օրը Ադրբեջանի մայրաքաղաք Բաքվում հանդիպել է Թուրքիայի ազգային պաշտպանության նախարար Յաշար Գյուլերի հետ։ Նրանք ընդգծել են, որ «ադրբեջանա-թուրքական հարաբերությունները հիմնված են դաշնակցային հարաբերությունների վրա՝ համաձայն Շուշիի [(Շուշի)] հռչակագրի։ Ընդգծվել է հռչակագրի բացառիկ դերը երկկողմ հարաբերությունների զարգացման գործում»։ Հանդիպմանը մտքեր են փոխանակվել նաև համատեղ զորավարժությունների ինտենսիվության բարձրացման կարևորության, Հարավային Կովկասում և աշխարհում ռազմաքաղաքական գործընթացների, Հարավային Կովկասում կայունության ապահովման ուղիների և փոխադարձ հետաքրքրություն ներկայացնող այլ հարցերի շուրջ։ .