

ՄԱԿ-ի հումանիտար հարցերի գրասենյակը (UNOCHA) հայտնել է, որ իսրայելական ուժերը ձերբակալում են Գազայի հյուսիսից և կենտրոնական հատվածից դեպի հարավ տեղափոխվող մարդկանց անցակետով, որը Իսրայելն անվանում է «միջանցք», հաղորդում է Al Jazeera-ն: Ըստ UNOCHA-ի՝ մարդկանց ստիպում են անցնել «անաշխատող անցակետ», որտեղ նրանց խնդրում են ցույց տալ անձը հաստատող փաստաթղթեր և «անցնել այն, ինչ թվում է, թե դեմքի ճանաչման սկանավորում է»: Անցյալ շաբաթ ՄԱԿ-ը զեկուցեց մի դեպքի մասին, երբ երեխան ստիպված էր առանց ուղեկցության անցնել անցակետով, քանի որ հայրը ձերբակալվել էր այսպես կոչված միջանցքում: ՄԱԿ-ը մտահոգություն է հայտնել երեխաների պաշտպանության ծառայությունների ընդլայնման անհրաժեշտության առնչությամբ՝ առանց մեծահասակների ընկերակցության երեխաներին օգնություն տրամադրելու նպատակով: