News - Նոյեմբերի 27-ից 29-ը ԵՄ պատվիրակությունը կմեկնի Հայաստան
Business Strategy
Նոյեմբերի 27-ից 29-ը ԵՄ պատվիրակությունը կմեկնի Հայաստան
Նոյեմբերի 27-ից 29-ը Հայաստան կժամանի Եվրոպական արտաքին գործողությունների ծառայության և Եվրոպական հանձնաժողովի պատվիրակությունը։ Այս մասին հայտնում են Հայաստանում ԵՄ պատվիրակության ԶԼՄ-ների հետ կապերի և տեղեկատվության թիմից։ Այցի ընթացքում կքննարկվեն ԵՄ-Հայաստան հարաբերությունների տարբեր հարթություններ, պարզելու, թե որտեղ կարելի է խորացնել և ամրապնդել կապերը, և ինչպես Հայաստանը կարող է օգտագործել ԵՄ-Հայաստան Համապարփակ և ընդլայնված գործընկերության համաձայնագրի ողջ ներուժը: Այցը հաջորդում է հոկտեմբերի 26-27-ին Եվրոպական խորհրդի հանձնարարականին` ներկայացնելու ԵՄ-Հայաստան հարաբերությունները լավագույնս ամրապնդելու տարբերակները: EEAS-ի և Եվրոպական հանձնաժողովի հետ միասին այցին կմիանան Վերակառուցման և զարգացման եվրոպական բանկի (EBRD), Եվրոպական ներդրումային բանկի (EIB) և Frontex-ի ներկայացուցիչները։ Պատվիրակությունը կհանդիպի Հայաստանի կառավարության բարձրաստիճան ներկայացուցիչների, ՄԱԿ-ի, քաղաքացիական հասարակության կազմակերպությունների ներկայացուցիչների հետ։ Այցի կապակցությամբ կբացվի նաև ԵՄ-Հայաստան ներդրումների համակարգման պլատֆորմը։
About usyoo
Categories
Tags
