News - Toyota-ն հետ է կանչում ավելի քան կես միլիոն ավտոմեքենա՝ անսարք արգելակների պատճառով

Toyota Motor-ը վերանորոգման կուղարկի իր անսարք արգելակներով կես միլիոն ավտոմեքենա։ Ճապոնական խոշորագույն ավտոարտադրողը որոշել է սպասարկման արշավ անցկացնել, որը կազդի իր մեքենաների շուրջ 580 հազարի վրա, գրում է ճապոնական NHK պորտալը։ Այս մեքենաների վրա հայտնաբերվել է արտադրական վտանգավոր թերություն, որը կարող է հանգեցնել արգելակների խափանման և արդյունքում՝ ճանապարհատրանսպորտային պատահարի, հայտնում է Motor.ru-ն։ Պեդալի խնդրահարույց պտուտակով այս մեքենաների մոդելներն ու արտադրության տարիները դեռևս չեն հրապարակվել։ Հայտնի է, սակայն, որ առայժմ խոսքը միայն ներքին շուկայում վաճառվող մեքենաների մասին է։ Վերջին վեց ամսվա ընթացքում Toyota-ն բազմաթիվ հետկանչներ է արել լուրջ խնդիրների պատճառով: Օրինակ, հուլիսին 2023 մոդելային տարվա Tundra և Sequoia պիկապները, որոնց պահեստային անվադողը կարող էր «թռչել», տուժեցին նման արշավից։ Նույն ամսում ավելի քան 100,000 Toyota և Lexus մեքենաներ ուղարկվեցին ստուգման ամբողջ աշխարհում, քանի որ դրանք վատ եռակցված մալուխներ ունեին: