News - Մնացական Սաֆարյան. Հայաստանի և Ադրբեջանի ԱԳ նախարարների հանդիպում շուտով չի նախատեսվում
Business Strategy
Մնացական Սաֆարյան. Հայաստանի և Ադրբեջանի ԱԳ նախարարների հանդիպում շուտով չի նախատեսվում
Առաջիկայում Հայաստանի և Ադրբեջանի արտգործնախարարների հանդիպում նախատեսված չէ։ Այս մասին հինգշաբթի օրը Ազգային ժողովում լրագրողների հետ զրույցում հայտարարեց ԱԳ փոխնախարար Մնացական Սաֆարյանը։ Հարցին, թե արդյո՞ք առաջիկայում նախատեսված է Հայաստանի ԱԳ նախարար Արարատ Միրզոյանի և նրա ադրբեջանցի գործընկեր Ջեյհուն Բայրամովի հանդիպումը, Սաֆարյանն արձագանքեց. «Դեռևս նման տեղեկություն չկա»։ Հայաստանի արտաքին գործերի փոխնախարարը, սակայն, ասաց, որ Հայաստանի և Ադրբեջանի սահմանների սահմանազատման հանձնաժողովների պլանավորված հերթական հանդիպումը երկու երկրների պետական սահմանին համարում է Հայաստանի կառուցողականության դրսեւորում։ Հիշեցնենք՝ այսօր հայտնի դարձավ, որ նախնական պայմանավորվածության համաձայն՝ նոյեմբերի 30-ին երկու երկրների պետական սահմանի սահմանազատման հանձնաժողովների հերթական հանդիպումը տեղի կունենա իրենց պետական սահմանին։
About usyoo
Categories
Tags
