

ԱՄՆ-ում Հայաստանի դեսպան Լիլիթ Մակունցը, ի թիվս այլ երկրների, հանդիպել է Հայաստանը ներկայացնող Համաշխարհային բանկի խմբի նորանշանակ գործադիր տնօրեն Յուջին Ռյուգենաաթի հետ։ Այս մասին հայտնում է ԱՄՆ-ում ՀՀ դեսպանությունը։ Դեսպանը կարևորեց Համաշխարհային բանկի խմբի ներդրումը Հայաստանում իրականացվող տարբեր ծրագրերում և Ռյուգենաթի հետ քննարկեց համագործակցության ընդլայնման հնարավոր ուղիները՝ հիմնված ՀՀ կառավարության անմիջական և երկարաժամկետ առաջնահերթությունների վրա։