News - Իսրայելը և ՀԱՄԱՍ-ը պայմանավորվել են ժամանակավոր հրադադարի, պատանդների ազատ արձակման շուրջ

Իսրայելը և ՀԱՄԱՍ-ը պայմանավորվել են ժամանակավոր հրադադարի և պատանդների փոխանակման շուրջ այն բանից հետո, երբ Իսրայելի կառավարությունը կողմ քվեարկեց համաձայնագրին։ Համապատասխանաբար, ՀԱՄԱՍ-ն իր 240 պատանդներից ազատ կարձակի 30 իսրայելցի երեխայի և 20 կնոջ, հայտնում է Haaretz-ը։ Դրա դիմաց Իսրայելը կազատի 150 պաղեստինցի բանտարկյալների։ Պաշտոնյան թերթին հայտնել է, որ ՀԱՄԱՍ-ը կարող է նաև ազատ արձակել օտարերկրյա պատանդներին՝ համաձայն պայմանավորվածությունների։ Այս գործարքի շրջանակում, որը կնքվել է Կատարի միջնորդությամբ, Իսրայելի վարչապետ Բենիամին Նեթանյահուն հայտարարել է, որ չազատված պատանդները դեղորայք կստանան, իսկ Կարմիր Խաչը կայցելի նրանց։ Հրադադարը կտևի չորսից հինգ օր։ Նեթանյահուի գրասենյակը հայտարարել է, որ յուրաքանչյուր լրացուցիչ 10 պատանդի ազատ արձակումը եւս մեկ օր կավելացնի ռազմական գործողությունների դադարեցմանը։ Սակայն Նեթանյահուն մերժել է այն գաղափարը, որ ռազմական գործողությունները կարող են ավելի երկար ժամանակով դադարեցվել։