News - Ադրբեջանն ասում է, որ խոչընդոտներ չի տեսնում Հայաստանի հետ խաղաղության պայմանագրի ստորագրման համար

Տարածաշրջանում ի հայտ եկող նոր իրողությունների շրջանակներում մենք որևէ խոչընդոտ չենք տեսնում Հայաստանի և Ադրբեջանի միջև խաղաղության պայմանագրի ստորագրման համար։ Այս մասին լրագրողներին ասել է Ադրբեջանի նախագահի օգնական, Ադրբեջանի նախագահի վարչակազմի արտաքին քաղաքականության բաժնի ղեկավար Հիքմեթ Հաջիևը, հաղորդում է APA գործակալությունը։ «Դրա մասին դեռևս դժվար է մի բառ ասել, մենք Հայաստանից հստակ գաղափարների ենք սպասում, Հայաստանը դեռևս նայում է տարածաշրջանից այն կողմ, երբ խոսքը գնում է խաղաղության պայմանագրի մասին, մենք ասում ենք, որ փոխանակ երրորդ կողմերի օրակարգ բերենք. Այստեղ անհրաժեշտ է տիրապետել ինքնին տարածաշրջանին և առաջ տանել խաղաղ համաձայնագրի բանակցությունները:Գնդակը ներկայումս Հայաստանի դաշտում է»,- հավելել է Հաջիևը։ Միաժամանակ նա Ադրբեջանի և Թուրքիայի հետ սահմանը փակելու «մեղքը» բարդեց Հայաստանի վրա։ «Եղբայրական Թուրքիայի [(Թուրքիա)] եզրակացությունը միշտ այն է, որ Հայաստանի հետ հարաբերությունների կարգավորումը հնարավոր է, եթե Հայաստանը դադարեցնի ադրբեջանական հողերի օկուպացիան, հրաժարվի ինչպես Թուրքիայի, այնպես էլ Ադրբեջանի տարածքային նկրտումներից և վերջապես հանդես գա դրական օրակարգով։ Ադրբեջանն ու Թուրքիան միշտ աջակցել են հարաբերությունների կարգավորմանը և միշտ դրական մեսիջներ են հղել Հայաստանին, պարզ է, որ Հայաստանը, գնահատելով տարածաշրջանի ներուժը, պետք է ելնի տարածաշրջանում խնդիրների լուծման մոտեցումից»,- նշել է Հիքմեթ Հաջիևը։ Նշենք, սակայն, որ Թուրքիան փակել էր Հայաստանի հետ սահմանը այն բանից հետո, երբ Ադրբեջանը ագրեսիվ պատերազմ սանձազերծեց Հայաստանի և Լեռնային Ղարաբաղի դեմ։