News - AMIO BANK՝ նոր բրենդ Հայաստանի բանկային համակարգում՝ նոր հայեցակարգ, նոր գույներ, նոր մոտեցումներ

ՀԱՅԲԻԶՆԵՍԲԱՆԿԸ հայտարարեց ռեբրենդինգի մասին, ներկայացրեց նոր անվանումն ու ապրանքանիշը նոյեմբերի 17-ին կայացած հանդիսավոր միջոցառման ժամանակ: Բանկը հաճախորդներին ներկայանում է նոր ապրանքանիշով, հայեցակարգով և արժեքներով: Բանկը հաճախորդներին ներկայանում է նոր ապրանքանիշով, հայեցակարգով և արժեքներով: Իրականացնելով ամբողջական ռեբրենդինգ՝ Բանկն այսուհետ ներկայացվում է «ԱՄԻՈ ԲԱՆԿ» անունով։ AMIO BANK-ի գործունեությունը ուղղված է հաճախորդների տարբեր խմբերի ֆինանսական հասանելիության ապահովմանը և բանկային ոլորտում միջազգային առաջադեմ փորձի ներդրմանը: New Brand-ի տեսլականն է լինել հոգատար գործընկեր ֆինանսական և հարակից ծառայությունների ոլորտում: AMIO-ի լոգոն՝ վառ և ընկերական ժպիտով, խորհրդանշում է բոլոր հաճախորդների համար ջերմ և ընկերական մթնոլորտ ստեղծելու մոտեցումը։ AMIO BANK-ը կիրականացնի զարգացման նոր ծրագրեր՝ արդիականացված թվային և նորարարական ծառայություններով։ Հայտնվելով զարգացման նոր մակարդակում՝ Բանկը, միջազգային լավագույն փորձի ժամանակակից չափանիշների ներդրմամբ, համակարգում կմրցակցի նորովի՝ ընդառաջելով բոլոր մարտահրավերներին: «AMIO-ն այսուհետ ձեր կողքին կլինի իր հոգատարությամբ, անմիջականությամբ և ժպիտով` թելադրելով նոր մշակույթ Հայաստանի բանկային համակարգում: Մարդակենտրոնությունը, պրոֆեսիոնալիզմը, վստահությունը, դինամիզմը և ազնվությունը լրացնում են այն արժեքները, որոնք կարևոր են Բանկի համար և որի օգնությամբ AMIO թիմը առաջ կշարժվի»,- ասել է AMIO BANK-ի վերահսկիչ խորհրդի նախագահ Ալֆրեդ Մոեկլին: «Հոգատարություն բոլորի համար»  սա AMIO-ի նոր կարգախոսն է: AMIO BANK-ի գործադիր խորհրդի նախագահ Գևորգ Թառումյանը ներկայացրեց AMIO-ի առաքելությունը՝ աջակցելու մարդկանց կարևոր նախաձեռնություններում նոր թվային տեխնոլոգիաներով և հասանելի ֆինանսական լուծումներով՝ դարձնելով նրանց կյանքը հեշտ և հարմարավետ: Նա իր ելույթում համոզմունք հայտնեց, որ AMIO-ն նոր շունչ ու գույներ կտա Հայաստանի բանկային համակարգին՝ ընդունվելով որպես ժամանակակից, թվային և նորարարական բանկ։ «Եվ իհարկե, մենք մեր հաճախորդների, աշխատակիցների և գործընկերների հետ միասին կշարժվենք առաջ, որոնց հիման վրա AMIO-ն կհարթի իր ճանապարհը՝ տրամադրելով նորարարական ծառայություններ հոգատար և վստահելի միջավայրում»,- ասաց Գևորգ Թառումյանը։ Ահա և եկավ այդքան սպասված պահը, ՀՀ Կենտրոնական բանկի նախագահ Մարտին Գալստյանը AMIO BANK-ի լիցենզիան հանձնեց Գործադիր խորհրդի նախագահ Գևորգ Թառումյանին։ AMIO թիմը նշեց գործընկերների հետ համատեղ աշխատանքի հետաքրքիր արդյունքը՝ ռեբրենդինգի սկզբից մինչև Նոր ապրանքանիշի մեկնարկը: Եվ առջևում նոր նպատակներ են սպասվում՝ իրականություն դարձնելով AMIO-ի հաճախորդների ամենահամարձակ և նորարար նպատակները: AMIO BANK-ը վերահսկվում է ՀՀ Կենտրոնական բանկի կողմից