News - Հայաստանի արտգործնախարարն ու Կանադայի պատգամավորը քննարկել են Հարավային Կովկասում անվտանգության իրավիճակը

Հայաստանի արտաքին գործերի նախարարությունից NEWS.am -ին հայտնում են, որ երեքշաբթի ՀՀ ԱԳ նախարար Արարատ Միրզոյանն ընդունել է Կանադայի Սենատի անդամ Լեո Հուսակոսին։ Նրանք քննարկել են Հայաստանի և Կանադայի միջև քաղաքական երկխոսության օրակարգը։ ԱԳ նախարար Միրզոյանը գոհունակությամբ նշեց երկկողմ հարաբերությունների դրական զարգացումները, ինչպես նաև Հայաստանի տարածաշրջանում Կանադայի ներգրավվածության աճը՝ այս համատեքստում ընդգծելով վերջերս Երևանում Կանադայի դեսպանատան բացումը և Կանադայի մասնակցությունը Հայաստանում ԵՄ քաղաքացիական դիտորդական առաքելությանը։ Երկուստեք կարևորվել է շարունակական ջանքեր գործադրել Հայաստանի և Կանադայի միջև երկկողմ համագործակցության հետագա ընդլայնման ուղղությամբ՝ հաշվի առնելով առկա բարեկամական և արժեքավոր կապերը և աջակցելու Հայաստանի ընտրած ժողովրդավարական ուղուն։ Մտքեր փոխանակվեցին նաև Հարավային Կովկասում և նրա շրջակայքում անվտանգության իրավիճակի վերաբերյալ։ Արարատ Միրզոյանը խոսել է տարածաշրջանում կայունության հաստատման և Ադրբեջանի հետ Հայաստանի հարաբերությունների կարգավորման ուղղությամբ տարվող ջանքերի, առկա մարտահրավերների, ինչպես նաև Հայաստանի կառավարության կողմից բռնի տեղահանված հայերի կարիքների և իրավունքների լուծման ուղղությամբ ձեռնարկվող միջոցառումների մասին։ Ադրբեջանի կողմից Լեռնային Ղարաբաղի էթնիկ զտումների վերաբերյալ.