News - Թերթ՝ «Արգենտինայի Թրամփ», Հայաստան
Business Strategy
Թերթ՝ «Արգենտինայի Թրամփ», Հայաստան
Հայաստանի «Հրապարակ» օրաթերթը գրում է.Վերջին օրերին աշխարհի ուշադրությունը կենտրոնացած էր Արգենտինայի նախագահական ընտրությունների վրա, որտեղ նախագահ ընտրվեց էքսցենտրիկ տնտեսագետ Խավիեր Միլեին։ Շատերը նրան անվանում են «Արգենտինացի Թրամփ» կամ «Արգենտինացի Բորիս Ջոնսոն»: Խավիեր Միլեին մեզ՝ հայերիս, հետաքրքիր է, քանի որ նա եղել է արգենտինահայ գործարար Էդուարդո Էռնեկյանի «Կորպորասիոն Ամերիկա» կազմակերպության աշխատակից և Էռնեկյանի գլխավոր խորհրդականը 2008-2021 թվականներին։ Նա հեռացավ կազմակերպությունից՝ նախագահական ընտրություններին մասնակցելու համար։ Ավելին, Միլեին բազմաթիվ անգամներ ուղեկցել է Էռնեկյանին Հայաստան մեկնելիս։ Իհարկե, Միլեին հակասական կերպար է, բայց Էռնեկյանը վստահ է, որ լավ նախագահ է լինելու, և այդ մասին հրապարակային հայտարարություն է արել։ Համաշխարհային որոշ լրատվամիջոցներ, այդ թվում՝ Financial Times-ը, գրել են, որ Արգենտինայի նորընտիր նախագահի թիկունքում կանգնած է Էդուարդո Էռնեկյանը։
About usyoo
Categories
Tags
