News - Ադրբեջանը ստիպել է ՅՈՒՆԵՍԿՕ-ին չեղարկել այցը Լեռնային Ղարաբաղ

Ադրբեջանի իշխանությունները ստիպել են ՅՈՒՆԵՍԿՕ-ին չեղարկել այցը Լեռնային Ղարաբաղ։ «Տեղեկություն է տարածվել, որ ՅՈՒՆԵՍԿՕ-ն մերժել է Ղարաբաղ այցելելու համար Ադրբեջանի առաջարկած երթուղին։ Տեղեկատվության մեջ նշվում է, որ ՅՈՒՆԵՍԿՕ-ն դիմել է Ադրբեջանի Ղարաբաղ այցելելու համար։ Միաժամանակ ասվեց, որ պաշտոնական Բաքուն համաձայնել է ՅՈՒՆԵՍԿՕ-ի փաստահավաք առաքելության առաջարկին՝ անցնելով Աղդամով Խանքանդի [(Ստեփանակերտ)]՝ հայկական օկուպացիայի ժամանակ Աղդամի ավերածությունները փաստագրելու նպատակով։ Նշվել է նաև, որ ՅՈՒՆԵՍԿՕ-ն մերժել է այս առաջարկը և ցանկություն է հայտնել մեկնել այդ քաղաք միայն Խանքանդիում գտնվող հուշարձանների վիճակը գնահատելու համար, հայտնում է ԱՊԱ-ն։ «Սակայն պարզվեց, որ իրական ճշմարտությունն ամենևին էլ այդպես չէ, ՅՈՒՆԵՍԿՕ-ն ադրբեջանական կողմին ասել է, որ առաքելությունը զննելու է միայն երկու հուշարձան օկուպացիայից ազատված տարածքներում, իսկ դրանից հետո անմիջապես գնալու է Խանքանդի քաղաք։ Ադրբեջանը դեմ է կանգնել դրան, ադրբեջանական կողմը ՅՈՒՆԵՍԿՕ-ի առաքելության այցը տարածաշրջան անվանել է անանկեղծ և անթափանց, այդպիսով Ադրբեջանը մերժել է ՅՈՒՆԵՍԿՕ-ի պայմանը»,- հավելել է ադրբեջանական գործակալությունը։ Այսպիսով, Ադրբեջանը, որը 30 տարի խոչընդոտում էր ՅՈՒՆԵՍԿՕ-ի այցը Լեռնային Ղարաբաղ, շարունակում է նույն քաղաքականությունը։ Ադրբեջանի իշխանություններն այս կազմակերպությանը ստիպում են ընտրություն կատարել՝ կա՛մ առաջ մղել ադրբեջանական դիրքորոշումը, կա՛մ չեղարկել այցը։